20 setembro 2015

MOOC "Etwinning en abierto"

O Servizo Nacional de e-Twinning ven de abrir o  prazo de inscripción na segunda edición do curso masivo "Etwinning en abierto".

Para inscribirse é necesario matricularse no curso na plataforma MOOC  EducaLAB do INTEF, unha vez feito  un rexistro previo.
O prazo de matrícula permanecerá aberto mentres o curso estea activo

Dende a embaixada galega animámosvos a aproveitar esta oportunidade de formación en e-Twinning e en TICs



Información e rexistro
Noticia no SNA

A Embaixada na Consellería de Educación

O pasado día 18 de setembro, os membros da Embaixada eTwinning en Galicia fomos convocados polo noso asesor, Ángel Sebastián, a unha xuntanza á que tamén asistiron Manuel Vila, Subdirector Xeral de Ordenación e Innovación Educativa, e Fátima García Doval, responsable do Servizo de Formación do Profesorado.

Na orde do día da xuntanza, tratamos os seguintes puntos:

1. A celebración da próxima Xornada eTwinning, que se celebrará no EGAP, en Santiago, o sábado 24 de outubro. Podédesvos inscribir en FPROFE, e actualizaremos neste medio o programa, en canto estea confirmado o profesorado que comunicará experiencias. Sabede que haberá un obradoiro práctico para non iniciados en eTwinning e varias comunicacións específicas para atender diferentes demandas do profesorado galego: CLIL/Seccións Bilingües, Erasmus+, E-Dixgal/Abalar, Presentación de proxectos básicos para novos eTwinners.

2. Manuel Vila confirmou, novamente, que o proceso de recoñecemento de innovación educativa dos proxectos eTwinning, en Galicia, é un feito que só precisa un pouco máis de tempo. Como sabedes, solicitamos a certificación dos mesmos, para os Concursos de Traslados ou para os efectos oportunos. Dita valoración é efectiva en todas as Comunidades de España, agás en Murcia, Madrid e Galicia, constituíndo un agravio comparativo nada desexable. A certificación, en horas de formación/innovación, vai ser, en primeira instancia, para os proxectos que teñan refrendada a súa calidade mediante Premio (nacional ou europeo) e/ou Selo de Calidade (nacional ou europeo). Porén, o Vicedirector, asegurou, co apoio de Fátima García, que se estudaría a nosa proposta para a certificación daqueles proxectos que, non cumprindo o requisito anterior, podan xustificar un traballo (participación), na aula, merecedor de tal recoñecemento.

3. Revisión dos datos-resumo dos 10º Aniversario eTwinning en Galicia, que nos constitúen como unha comunidade activa e considerablemente recoñecida con Premios e Selos de Calidade (Nacionais e Europeos).

4. Informacións variadas sobre accións formativas en relación a eTwinning, diferentes da Xornada (punto 1), entre as que destaca a posibilidade de solicitar un PFPP no que iniciar, con docentes expertos en eTwinning, os primeiros pasos dun proxecto ou optimizar o uso da Plataforma eTw (Escritorio e TwinSpace) no seu desenvolvemento.


10 setembro 2015

Plan proxecta e eTwinning

Arranca o ano escolar 2015/2016. Moitos de vós participastes ou estades pensando en participar no Plan Proxecta da Consellaría de Educación, que este ano ten novos programas de distintas Consellarías, temáticas e alumnado albo.

A Embaixada eTwinning Galicia proponvos participar nun proxecto eTwinning relacionado co voso Plan Proxecta. Desta forma daredes unha dimensión europea ao "proxecta" traballando en equipo cun ou varios centros doutros países, e obtendo o certificado de Innovación correspondente.

Lembrade que podemos asesorarvos en persoa se creades un grupo de traballo ou similar.

Se tedes calquera dúbida, podedes consultala por mail no enderezo embaixada.etwinning@gmail.com


06 setembro 2015

▬ Mi pueblo es tu pueblo


O profesor Aarón Bernárdez do CPI MONDARIZ, MONDARIZ - GALIZA / GALICIA, España comparte con nos o selo de calidade
“…A un de novembro do 2014, comecei a miña osadía por eTwinning, Embarqueime nun proxecto cunha francesa que era tan novata coma mín. Polo camiño collemos a Clara, unha embaixadora etwinning de Calabria. Despois das xornadas de etwinning en Santiago, onde coñecín aos representantes galegos máis coñecidos, tiña algo mais claro o asunto.
O noso proxecto era en idioma español. Os alumnos españois tiñan adaptación curricular algúns, e outros problemas na lingua; os franceses TDAH, dislexia, problemas curriculares, etc; os mellores eran os italianos, que eran os maiores e estudantes de turismo. O seu traballo foi magnífico.
Pasamos por todo, momentos de parón, momentos de lacazanería, momentos de apretón, de desesperación.
Actividades como as do Nadal, as receitas amorosas, e os pasatempos, ou a mais importante: a que elexiron eles e se traballou conxuntamente: amizade, amor, libertade, non teñen desperdicio.
Convídovos a mirar o proxecto:
Ao final, de momento, temos o Selo de Calidade en España... e a esperar.