Iníciate en eTwinning!

Se es novo/a en eTwinning, presentamos algunhas ideas para iniciares a túa andaina:

Imaxe extraída de El Economista

• Comeza cun proxecto simple: adapta unha actividade das que xa realizas cos teus alunos, para realizar xunto con outro centro doutro país.

• Procura socios no eTwinning Desktop, nos foros ou por busca directa.

• Se o primeiro proxecto consiste en compartir máis que en colaborar, non te preocupes, tamén é un bo punto de partida.

• Pídelle a un membro da Embaixada que apadriñe/amadriñe o teu primeiro proxecto e che axude a dar os primeiros pasos no TwinSpace.

• Fai turismo por proxectos e TwinSpaces existentes.

• Súbete en marcha a un proxecto activo para ver como funciona desde dentro.

• Consulta a nosa páxina de recursos.

• Procura ideas nas nosas publicacións.

• Se no teu centro hai varios profes interesados, creade un grupo de traballo ou seminario para terdes certificación e docencia.

QUERES PARTICIPAR NUN PROXECTO eTwinning XA EN MARCHA?

Un dos labores de difusión que a Embaixada eTwinning en Galicia está a desenvolver é convidar a centros novos en eTwinning (profesores e alumnos sen actividade eTwinning, pero interesados nela) a unha soa actividade dun proxecto en marcha.

É un xeito simple para comprobar, na actividade diaria, como funciona un proxecto destas características, sen poñer activar todo proceso de planificación/realización do mesmo.

Profesor e alumnado convidados forman parte do grupo de traballo durante o tempo que dure a actividade, sen máis compromiso ca o de realizar o traballo colaborativo que se lles propón, utilizando os medios que se lle proporcionan.

Se quiseres formar parte desta campaña de difusión non dubides en contactar connosco, e serás un etwinner convidado.

Podes ver aquí a última experiencia: Descrición da actividade e Solución da mesma.

Proxecto: “Thestory of my house”.

Centro galego fundador: CEIP SAN XOÁN DE BECERREÁ. LUGO.

Centros convidados: Aula de 5º do CEIP SAN XOÁN, de Becerreá,  e Aula de 6º do CEIP ROSALÍA DE CASTRO,  de Lugo.

Evento online: De compartir a colaborar

Os Eventos de Aprendizaxe son eventos online sobre determinados temas, liderados por un experto e inclúe traballo activo e discussión entre docentes de toda a Europa.

Propómosvos participar no próximo evento, que é o primeiro que ser realiza en lingua portuguesa:

28 de abril a 12 de maio
Da partilha à colaboração no eTwinning

Peritos: Teresa Lacerda e Miguela Fernandes
Língua: Português
Público: Todos os professores eTwinning 
Abertura de candidaturas: 17 de abril

O desenvolvimento de projetos eTwinning limita-se, por vezes, à partilha de materiais, o que, sendo importante, não deveria ser uma finalidade em si mesma. Assim, seria interessante que os projetos assumissem uma maior dimensão ao nível do trabalho colaborativo. Este evento de aprendizagem pretende abordar algumas ferramentas para a partilha de documentos mas pretende, sobretudo, trabalhar aspetos metodológicos que potenciem o desenvolvimento de documentos de forma colaborativa através da utilização de ferramentas da web 2.0. 

Todos os eventos têm lugar no Laboratório de Aprendizagem eTwinning.

Plan de mellora de equipamentos TIC (2)

Plan de mellora de equipamentos TIC da Embaixada eTwinning Galicia, Segunda Edición.

O IES San Clemente, en colaboración coa Embaixada eTwinning Galicia, participa no plan de mellora de equipamentos dos centros novos en eTwinning que necesiten axuda para realizar os primeiros proxectos na plataforma.

Nesta edición, a solicitude de Marinela Rodríguez Losada, directora do CEIP San Xoán de Becerreá, en Lugo, foi a seleccionada para a cesión, que recibiu os ordenadores de mans da Embaixadora eTwinning en Galicia Susana Vázquez Regueiro, 

A dotación foi de dous ordenadores portátiles, e levouse a cabo o día 7 de abril de 2014. 

A selección está en relación coa obtención de dous Selos de Calidade (Nacional e Europeo) no primeiro ano de desenvolvemento dun Proxecto eTwinning deste centro. O proxecto de referencia é O Principiño que vive na Biblioteca e levouse a cabo na aula de Pedagoxía Terapéutica.

Como deseñar un proxecto de calidade

Durante o II Encontro de Embaixadores eTwinning recollimos unha presentación que pode axudarnos a planificar un proxecto eTwinning de calidade.

Ferramentas 2.0 para eTwinners

Queremos compartir convosco as ferramentas que nos fixeron chegar no II Encuentro de Embajadores eTwinning. Esperamos que vos sexan de interese.

Enlace ao Symbaloo de ferramentas.

II Encontro de Embaixadores eTwinning

Os días 4 e 5 de abril, o SNA organizou un encontro de embaixadores en Madrid. Durante os dous días tivemos ocasión de escoitar e participar en sesións de formación e difusión de experiencias, ferramentas de interese para os embaixadores en particular e os eTwinners en xeral.

II Encuentro de Embajadores eTwinning

Mira aquí o programa.

Neste enlace está a posibilidade de velo en streaming.

Le a nova en EducaLab