Plan de mellora de equipamentos TIC

Plan de mellora de equipamentos TIC da Embaixada eTwinning Galicia

O IES San Clemente, en colaboración coa Embaixada eTwinning Galicia, participa no plan de mellora de equipamentos dos centros novos en eTwinning que necesiten axuda para realizar os primeiros proxectos na plataforma.

As primeiras beneficiarias foron as profesoras Raquel Lafuente e Charo Villar, do CEIP de Rubiáns, que recibiron dous portátiles en cesión o día 15 de xaneiro de 2013, despois de participar como autoras nas publicacións "Proxectos eTwinning Galiza-Portugal" e "Proxectos eTwinning de Pedagoxía Terapéutica" respectivamente.

Tamén participaron nunha pequena sesión de formación sobre Desktop e TwinSpace a cargo do Embaixador Marcos Vence.

_

O día 5 de xuño, o CEIP de Rubiáns recibiu unha segunda cesión de material: tres escáners, tres impresoras e doce altofalantes.

DOCENCIA: SFP NO IES PONTECESO

O IES Ponteceso está a desenvolver un Seminario de Formación Permanente para o seu profesorado, que versa sobre "Formación e práctica no uso das ferramentas TIC", para iso contou coa nosa colaboración impartindo doce horas de docencia sobre o que os programas europeos, en concreto o eTwinning, poden aportar na innovadora escola 2.0.

As catro sesións acordadas comezan o día 23 de xaneiro de 2012.

Accede aquí aos documentos relacionados coa nova:

-Programa de formación.

-Presentación: Proxectos educativos europeos
-Presentación:  un eTwinning en 6 pasos

-Presentación: Novo en eTwinning?

-Presentación: TwinSpace. Ferramentas Colaborativas

-Memoria

-Valoración das sesións

TERCEIRA PUBLICACIÓN DA EMBAIXADA eTwinning

A partir deste mes de xaneiro ponse en marcha o proxecto colaborativo que ten como obxectivo a publicación de ideas de proxecto eTwinning para alumnado con necesidades específicas de apoio educativo.

Esta é unha invitación para todo o profesorado, en especial o de Pedagoxía Terapéutica, Audición e Linguaxe e Orientación Educativa, para que formen parte deste incipiente grupo de traballo. Se estás interesado en participar, non dubides en contactar connosco a través de calquera destes enderezos:

susana.vazquez.r@gmail.com

embaixada.etwinning@gmail.com

O proceso de colaboración levarase a cabo no TwinSpace que a Embaixada ten aberto para as súas actividades de docencia, Difusión eTwinning.

Podes ver máis información aquí.

Podes ver outras publicacións da Embaixada eTwinning aquí. 

Invitación enviada ao profesorado participante.

DOCENCIA: SFP NO IES SAN CLEMENTE

Durante os meses decembro a maio vaise celebrar no IES San Clemente, de Santiago de Compostela, un seminario de formación permanente que contará coa docencia impartida por membros da Embaixada eTwinning en Galicia.

O SFP ten por título "Innovación no ensino semipresencial: Proxecto eTwinning". A docencia iniciouse o pasado día 21 de decembro, con catro horas, quedando pendentes outras once que se desenvolverán durante o mes de xaneiro.

Mira aquí o proxecto de formación.

Encontro de embaixadores eTwinning

Os días 30 de novembro e 1 de decembro tivo lugar en Madrid o primeiro Encontro de Embaixadores eTwinning.

Durante a reunión, os 37 participantes das Comunidades e Cidades Autónomas coñeceron os distintos labores de difusión que se están levando a cabo e participaron nos distintos talleres. 

Tanto o blog da embaixada en Galicia, como as sesións formativas que se foron levando a cabo e as publicacións xa terminadas ou en curso, foron presentados aos participantes que valoraron moi positivamente estas iniciativas galegas.

▬ Comment ça marche?

O proxecto "Como funciona? / Comment ça marche?" xorde a partir dunha idea de colaboración entre a profesora de matemáticas Mª Jesús Casado, do IES Daviña Rey de Monforte de Lemos e a profesora de lingua española Valerie Lagrave, do Collège Louise Michel, L'Isle Jourdain, en Francia, para promover o uso do francés e do castelán a través do traballo en equipo.

O proxecto consistiu na elaboración de vídeos dun aparello do entorno cotián do alumno nos que o audio describía o seu funcionamento. Os vídeos realizáronse por equipos formados por alumnos de ambos países. Cada equipo aportou unha idea orixinal na gravación das imaxes que os compañeiros do país colaborador tiveron que comentar no idioma dos primeiros e viceversa. En total cada equipo elaborou dous vídeos nos que realizou, ou ben a imaxe ou ben o audio.

Ler máis...

▬ Twinpress

O proxecto "Twinpress", no que participaron o IES de Poio (profesora Carmen Fernández) e o  Gymnázium Hansa Selyeho de Komárno (profesora Katalin Kanozsay)  conseguiu o Selo de Calidade Nacional en Eslovaquia e España e o Selo de Calidade Europeo.

O proxecto baseouse no traballo conxunto dunha axencia de noticias con correspondentes nos institutos. Organizados en grupos de traballo integrados por alumnado de distinta nacionalidade, deron un repaso á actualidade, desde  a dos propios centros até a nacional e internacional, prestando especial atención aos seus intereses como mozos europeos e producindo textos, imaxes, arquivos de audio e de vídeo.

A axencia de noticias tivo a súa sede nunha wiki e os alumnos publicaron os seus traballos nun blog.