Formación na EU de Maxisterio

Na tarde do día 11 de abril, Susana Vázquez Regueiro, en representación da Embaixada eTwinning, participou nunha mesa redonda para reflexionar, xunto co alumnado do Grado da Escola Universitaria de Maxisterio de Lugo, sobre propostas innovadoras na docencia, especialmente centrados no ensino por proxectos e na escola rural.

Susana presentou os proxectos eTwinning como un método de traballo adecuado para a atención á diversidade, os outros participantes, Gisela González e Antonio -, presentaban propostas de aprendizaxe constructivista en Educación Infantil e de traballo integral en matemáticas e lingua no primeiro ciclo de primaria.

A experiencia foi interesante para os profesores participantes, tendo ocasión de compartir cos futuros docentes as súas experiencias diarias, o que aproveitaron os estudantes nunha rolda de preguntas.

▬ Winds make rivers flood

A profesora Ana Vaqueiro Rodríguez, do Conservatorio Profesional de Música de Vigo, preséntanos o seu último proxecto eTwinning:


Gustaríame utilizar este espazo para compartir con todos vós as marabillosas experiencias que os meus alumnos e mais eu vivimos este curso gracias a eTwinning.  

Dende a miña inscrición no verán do ano pasado xa vou polo meu terceiro proxecto e os meus alumnos están encantados (...) o seu interese polas actividades aumenta e preparan mellor as cancións porque saben que as gravaremos en vídeo para compartilas cos compañeiros europeos (...)

Ler máis...

▬ Letras Galegas 2012

En breve estará en marcha o proxecto eTwinning
Letras Galegas 2012 - Valentín Paz Andrade, que ten como finalidade dar a coñecer a obra do autor homenaxeado entre o alumnado dos centros participantes, así como a creación artística en galego.

Unha das actividades que se realizarán, pero non a única, é a creación de marcapáxinas que participarán automaticamente no concurso convocado polo IES San Clemente de Santiago de Compostela.

Se estades interesados en participar, enviádelle un correo interno no eTwinning Desktop a Nieves Fontela López.

Artigo sobre o proxecto do ano pasado:
Letras Galegas 2011 - Lois Pereiro

Redeiras

Redeiras é unha rede social do profesorado galego, creada pola Consellaría de Educación.
Estades convidados a inscribirvos no grupo Ideas eTwinning.

▬ Intercambio de postais

Christmas Card Exchange, é un pequeno proxecto que consiste en intercambiar postais de Nadal feitas polos alumnos de varios centros europeos.

O IES San Clemente de Santiago de Compostela participou por segundo ano, esta vez da man do profesor de inglés Gustavo Gómez Vidal e alumnos de 1º de Bacharelato e do ciclo de FP 1º Sistemas Microinformáticos e Redes.

 

Tratase dun proxecto moi simple, ideal para iniciar a novos usuarios en eTwinning.

Máis información

Acción Formativa 11-12 (memoria)

Unha vez concluída a Acción Formativa da Embaixada eTwinning Galicia no ano 2011-2012, presentamos o seguinte resumo:


Relatores:

• Susana Vázquez Regueiro (CEIP Virxe do Portal, Sobrado dos Monxes).
• Marcos Vence Ruibal (IES San Clemente, Santiago de Compostela).

Sesións: 9 sesións nas seguintes localidades:

• Rianxo.
• Monforte de Lemos.
• Cambre.
• Guitiriz.
• Vilagarcía de Arousa.
• Lugo.
• Taragoña.

Duración total: 22 horas.


Asistencia total: 84 docentes de infantil, primario, secundario e escola de idiomas.

Expresamos o noso agradecemento á dirección do IES San Clemente polo material promocional subministrado.

Pode acceder ás convocatorias e memorias das sesións no seguinte enlace:
Acción formativa

Ideas de proxectos para FP

Presentámosvos unha iniciativa consistente en crear e difundir ideas de proxectos eTwinning para FP.

A presenza de FP en eTwinning é moi pequena. As características do ensino, alumnado e profesorado fan que sexa difícil levar adiante proxectos baseados nos kits e modelos que ofrece a plataforma.

Esta iniciativa consiste en concebir ideas de proxecto que se poderían realizar nos módulos impartidos. Por tanto, o docente que quixer participar:

• Impartiu o módulo nalgunha ocasión.
• Describirá os obxectivos, proceso de traballo, resultados esperados, duración, etc.
• O proxecto debe deseñarse para ser desenvolvido entre dous ou máis centros europeos de forma colaborativa.
• Non é necesario darse de alta na plataforma nin levar a cabo o proxecto ideado.
• Con todas as ideas será publicado un "libro con máis de cinco autores": no baremo de méritos actual, cada autor tería 0,1 puntos.

Dezasete participantes inscritos, das seguintes familias profesionais:

• Informática e comunicacións
• Hostalaría e turismo
• Fabricación mecánica
• Electricidade e electrónica
• Comercio e marketing
• Madeira, moble e cortiza
• Formación e orientación laboral
• Sanidade
• Imaxe persoal

Se es profe de FP e estás interesado en participar nunha futura edición, podes solicitar máis información escribindo a embaixada.etwinning@gmail.com