Acción Formativa 11-12 (memoria)

Unha vez concluída a Acción Formativa da Embaixada eTwinning Galicia no ano 2011-2012, presentamos o seguinte resumo:


Relatores:

• Susana Vázquez Regueiro (CEIP Virxe do Portal, Sobrado dos Monxes).
• Marcos Vence Ruibal (IES San Clemente, Santiago de Compostela).

Sesións: 9 sesións nas seguintes localidades:

• Rianxo.
• Monforte de Lemos.
• Cambre.
• Guitiriz.
• Vilagarcía de Arousa.
• Lugo.
• Taragoña.

Duración total: 22 horas.


Asistencia total: 84 docentes de infantil, primario, secundario e escola de idiomas.

Expresamos o noso agradecemento á dirección do IES San Clemente polo material promocional subministrado.

Pode acceder ás convocatorias e memorias das sesións no seguinte enlace:
Acción formativa

Ideas de proxectos para FP

Presentámosvos unha iniciativa consistente en crear e difundir ideas de proxectos eTwinning para FP.

A presenza de FP en eTwinning é moi pequena. As características do ensino, alumnado e profesorado fan que sexa difícil levar adiante proxectos baseados nos kits e modelos que ofrece a plataforma.

Esta iniciativa consiste en concebir ideas de proxecto que se poderían realizar nos módulos impartidos. Por tanto, o docente que quixer participar:

• Impartiu o módulo nalgunha ocasión.
• Describirá os obxectivos, proceso de traballo, resultados esperados, duración, etc.
• O proxecto debe deseñarse para ser desenvolvido entre dous ou máis centros europeos de forma colaborativa.
• Non é necesario darse de alta na plataforma nin levar a cabo o proxecto ideado.
• Con todas as ideas será publicado un "libro con máis de cinco autores": no baremo de méritos actual, cada autor tería 0,1 puntos.

Dezasete participantes inscritos, das seguintes familias profesionais:

• Informática e comunicacións
• Hostalaría e turismo
• Fabricación mecánica
• Electricidade e electrónica
• Comercio e marketing
• Madeira, moble e cortiza
• Formación e orientación laboral
• Sanidade
• Imaxe persoal

Se es profe de FP e estás interesado en participar nunha futura edición, podes solicitar máis información escribindo a embaixada.etwinning@gmail.com

▬ Nos encontramos en el Camino

O proxecto "Nos encontramos en el Camino", no que participaron o IES de Poio (profesora Carmen Fernández) xuntamente con alumnado do Gymnázium Hansa Selyeho de Komárno (profesora Katalin Kanozsay) e do Lycée Thierry Maulnier de Niza (profesor Juan Pierre-Alain) conseguiu o Selo de Calidade Nacional en Francia, Eslovaquia e España, o Selo de Calidade Europeo e o Premio Nacional en Eslovaquia e España.

O Camiño de Santiago, declarado polo Consello de Europa Itinerario cultural Europeo, foi o tema escollido polos nosos alumnos para o seu traballo en común. Alumnos eslovacos e franceses que estudaban español xuntamente con alumnos españois que estudiaban francés percorreron xuntos virtualmente diferentes tramos do Camiño de Santiago.

Ler máis...

▬ Leo para comprender mellor o mundo que me arrodea

Un novo proxecto eTwinning une ás profesoras Rosa Medeiros e Paula Matos, da Escola Básica Francisco Ornelas da Câmara, en Ilha Terceira, e Susana Vázquez, do CEIP Virxe do Portal, en Sobrado.

O alumnado con dificultades lectoescritoras vai vivir unha experiencia que pretende mellorar a súa competencia lectora, utilizando a lectura en diferentes soportes.

Podes seguir o desenvolvemento do proxecto neste blogue.

Formación na Barbanza

A acción formativa na Barbanza, iniciada no mes de novembro de 2011, finalizará cunha segunda sesión no próximo mes de febreiro:

29 de febreiro ás 17:30, no CEP Xosé María Brea Segade, Taragoña

Duración: dúas horas. (Non se certifican como horas de formación).

Contidos:

• Breve explicación do que é eTwinning.
• Exemplos de proxectos de infantil, primaria e secundaria.
• Demostración de uso do Escritorio e o Twinspace.
• Inscrición dos interesados.

Máximo: 10 prazas. Se queredes participar enviade un email a embaixada.etwinning@gmail.com antes do 26 de febreiro.

É imprescindible que os asistentes estean interesados en realizar proxectos con outros centros europeos.

Oito participantes inscritos a 16/02/12, procedentes dos seguintes centros:

• CEP Xosé María Brea Segade, Taragoña, Rianxo
• IES Pobra do Caramiñal
• IES Leliadoura, Ribeira

Ver Mapa

▬ Calamo currente

Calamo currente é un proxecto eTwinning levado a cabo por alumnado do IES de Arzúa coa profesora Susana Fernández e o IES de Poio coas profesoras Ángeles Fernández, Josefina Fuentes e Carmen Fernández. O proxecto foi recoñecido co Selo de Calidade Europeo e ten o Premio Nacional en Grecia.

Os alumnos e alumnas gregos, franceses, italianos e galegos crearon un blog de aula colaborativo plurilingüe. Neste espazo os nosos alumnos traballaron variados aspectos culturais da Antigüidade clásica compartindo o seu interese pola tradición que conformou a Europa na que viven. Deste xeito, coñeceron distintas formas de estudar as linguas clásicas doutros compañeiros europeos e desenvolveron destrezas no campo da interculturalidade, os idiomas e as TIC.

Ler máis...

Curso eTwinning 2.0

Preinscrición no curso de formación eTwinning 2.0

• Prazo: do 16/01/12, a partir das 12h, até o 23/01/12 ás 14h.  

• Inicio do curso: 20 de febreiro de 2012.

• Duración: 2 meses (40 horas).