▬ En paradero desconocido

Dun proxecto que contaba cos centros participantes de Francia, Valencia, Pamplona, Alacante, e o IES Pedras Rubias de Salceda de Caselas, xurdiu o proxecto "EN PARADERO DESCONOCIDO : Movimiento Juvenil para la Recuperación de nuestra Memoria Histórica".

A profe María Jesús Martínez Martínez do IES Pedras Rubias foi unha das galardonadas cos delos de Calidade Nacional e Europeo.Con este proxecto querían dar a coñecer que sucedeu no franquismo, e que é a lei sacada 70 anos despois sobre a memoria histórica. 

Como pon no seu obxectivo principal que recollo literal "Con este proyecto, pretendemos sensibilizar e implicar a nuestros alumnos de instituto poniéndolos a contribución del proyecto general de recuperación de nuestra memoria y de nuestra identidad."

Os obxectivos que perseguía era valorar a herdanza cultural e o pensamento libre, construír cultura, reflexionar e argumentar sobre diversas liberdades, proporcionar instrumentos de análise principais do historiador, potenciar a lectura e os climas de colaboración e cooperación.

Querían realizar un proxecto final cun libro literario, un mapa de desaparecidos, pero ante todo, crear un grupo de mocidade por unha causa nobre.

No medio do proxecto tamén aparece un ERASMUS KA-229 do proxecto TOTEM "Estrechando lazos con Europa", e actividades teatrais e sobre a muller, e outras con escritores da temática. Tamén viron filmes como as trece rosas.

Os nosos parabéns polos merecidos premios e desexamos que eTwinning fose importante para toda a vosa evolución, e animarvos a facer mais.

▬ Our forests, our life

Preséntanos o proxecto Aarón Bernárdez, do CPI Mondariz:

Coa finalidade de continuarmos coa boa experiencia coa miña socia turca dos dous proxectos anteriores, propúselle realizar un que tivera de temática os nosos bosques, xa que era o tema do centro durante este curso 18-19. Ela propuso STEAM e decidimos unilos engadindo robótica infantil.
Twinspace: https://twinspace.etwinning.net/79649/home

Entre os obxectivos estaban traballar o relacionado con STEAM, con robótica, seguridade en Internet, mellorar as relacións co alumnado dotros países, aprender sobre os nosos bosques e animais, etc

As actividades que traballamos:

Normas de seguridade e información de nosos centros e nosoutros.
A continuación pegadas de animaiss do noso bosque e miramos con lupas elementos da natureza.
Traballar un animal en perigo de extinción e facer arte coa naturaleza en otro mes.

Xogar coa robótica, e realizar un quebracabezas común.

Usamos as seguintes ferramentas TIC:

• Los recursos utilizados fueron diversos: 
• animoto
• padlet (ata a saciedade)
• adobe connect
• pic collage
• survey monkey, etc

REcibimos os seguintes selos, de Calidade Nacional e Europeo:

Selos de Calidade Europeos 2019

Vén de ser publicada a lista de Selos de Calidade Europeos eTwinning 2019, que pode ser consultada nesta ligazón.

A continuación destacamos os proxectos e profesorado galegos que obtiveron este recoñecemento: 20 selos en total!



Parabéns ao profesorado, ao alumnado e aos centros!!!!

Arancha Pernas Temes CEIP Plurilingüe de Abanqueiro Boiro	Show your love
Aarón Bernárdez CPI Mondariz Mondariz	Our forests, our life
Alexandre Dapena Mora IES San Clemente Santiago de Compostela	Letras Galegas 2019 - Antón Fraguas Fraguas
Marcos Vence Ruibal IES San Clemente Santiago de Compostela	GaliMinho - Empreendedorismo da Eurorregião
Marcos Vence Ruibal IES San Clemente Santiago de Compostela	Um parafuso a menos
María Dolores Díaz Rifón IES San Clemente Santiago de Compostela	AtlânticoVET
Beatriz Dorao CPR Alca Ames	Culture, heritage, action! Undoing walls, building bridges
Edelmira Riero CPR Alca Ames	Culture, heritage, action! Undoing walls, building bridges
Francisca Martínez Rodríguez CPR Alca Ames	Culture, heritage, action! Undoing walls, building bridges
Carmen Fernández Vázquez IES de Poio Poio	Viva el arte culinario y la vida sana
Carmen María Fernández Rodríguez EOI A Coruña A Coruña	Celebrating Books
Loly González EOI de Vilagarcía de Arousa Vilagarcía de Arousa	Celebrating Books
Maria Isabel Iglesias EOI de Vilagarcía de Arousa Vilagarcía de Arousa	Celebrating Books
Victoria Penide López EOI de Vilagarcía de Arousa Vilagarcía de Arousa	Celebrating Books
Patricia Conde Pardo EOI de Vigo Vigo	Celebrating Books
Celia Fernández IES de Beade Vigo	The wonderful world of Nature
Esther Pérez Fernández IES de Beade Vigo	The wonderful world of Nature
Lorena Roade Suárez Hijas de Jesús A Coruña	Past Generations, New Innovations.
María Jesús Martínez Martínez IES Pedras Rubias Salceda de Caselas	En Paradero Desconocido: Movimiento Juvenil para la Recuperación de nuestra Memoria Histórica
Tamara Carreira Astray CEIP Plurilingüe de Sigüeiro Oroso	Robot European dance

▬ Rrrrrr : Renunciar, Reducir, Reparar, Reutilizar, Reciclar, Restituír a Terra

O I.E.S Valle Inclán de Pontevedra xunto con  tres institutos  franceses, o Jean Vilar, de Villeneuve Lez Avignon, onde o alumnado estuda o español e teñen a educación física nesa lingua, o Erea de Versailles e o Felix Faure de Beauvais teñen novo Proxecto eTwinning neste cursos escolar..

 O  contido do proxecto Rrrrrr : Renunciar, Reducir, Reparar, Reutilizar, Reciclar, Restituír a Terra podiamolo resumir así:

Trátase dun proxecto que ten por temática principal o desenvolvemento sostible e máis particularmente a xestión dos residuos ao redor de 6 accións clave: Renunciar, Reducir, Reparar, Reutilizar, Reciclar e Restituír a Terra. Desexamos que o noso alumnado reflexione sobre a súa xestión diaria (na casa e no instituto) dos residuos e fagan suxestions para mellorar.
Os alumnos/as comezan por coñecerse (preséntanse e ensinan o medio no que viven)  e así defínense os termos do proxecto.
Logo solicítaselles que deseñen un logo, un slogan publicitario, xogos virtuais e titoriais e, en segundo lugar, que fagan unha acción concreta no seu centro relacionada co proxecto.

OBXECTIVOS

1. Mellorar as competencias do alumnado en informática (utilización das TICS)
2. Mellorar as competencias en linguas estranxeiras (Francés).
3. Abrirse aos outros  (a nivel local e europeo)
4. Permitir ao alumnado ter unha visión sobre o mundo que os rodea: Ser cidadáns conscientes
5. Fomentar o respecto mutuo fronte aos demais e ao seu contorno.
6. Abrirse a novos hábitos de vida, desenvolver novos coñecementos, saber facer.
7. Colaborar con asociacións locais, pais, etc...
8. Observar, comprender, imaxinar (exercer a creatividade) .
9. Desenvolver unha mente crítica para cuestionar e emprender mellor.
10. Entenderse no seo dun grupo para levar a cabo un proxecto.
11. Escoitar as opinions dos outros, saber escoitar.
12. Entrar nunha dinámica de traballo (a curto, medio e longo prazo)

Docencia no CPR Eduardo Pondal

Hoxe queremos dar  a benvida aos novos etwineiros do CPR Eduardo Pondal en Cangas na súa primeira sesión de docencia coa embaixadora Mela Rguez.

Espero que a sesión fora proveitosa e empecemos a encarrilar novos Proxectos nesta nova andaina.
Graciñas Conchi por terme convidado!

▬ OPTIME

“Orientados ao patrimonio cultural e a inclusión desde unha mirada europea” (OPTIME) é un proxectoo eTwinning vencellado a  unha Asociación escolar Erasmus+ KA229 de Intercambio entre centros escolares.

Trátase dun proxecto transnacional  deseñado por catro centros escolares no marco do ET2020, o Ano Europeo de Patrimonio Cultural e a Declaración de París.

A nosa asociación inclué catro institutos de España, Italia, Bulgaria e Austria: o IES de Poio na localidade do mesmo nome, o Instituto Tecnico Statale Economico Raffaele Piria- Ferraris/ Da Empoli en Reggio Calabria, o Instituto Bilingüe Miguel de Cervantes en Sofía e o Bernoulligymnasium en Viena. O alumnado participante ten entre 15 e 18 anos.

O obxectivo xeral do noso proxecto consiste en crear unha rede escolar de cooperación e intercambio de boas prácticas que nos permita desenvolver unha aprendizaxe baseada en proxectos sobre o tema do patrimonio cultural europeo cun tratamento transversal da inclusión social. Reforzaremos así a nosa dimensión europea e a capacidade de enfrontar novos desafíos.

A nosa motivación reside no coñecemento e o compromiso co patrimonio cultural material e inmaterial. Entendemos que é un recurso fundamental para o crecemento económico, o emprego e a cohesión social. Ten, polo tanto, un gran valor educativo.

O noso proxecto busca, ademais, promover a inclusión social, incidindo na loita contra a discriminación, a segregación, a xenofobia, o acoso escolar e a violencia.

Outros obxectivos son mellorar a competencia social, cívica e intercultural, a competencia lingüística en lingua materna e linguas estranxeiras e a competencia dixital. Promoveremos o empredemento e a empregabilidade para facilitar ao noso alumnado o acceso ao mundo do traballo nun contexto europeo.

Realizaremos catro Actividades de intercambio de curta duración de alumnado. Nelas desenvolveremos: obradoiros de conversación e restauración de bens culturais, de voluntariado en preservación de patrimonio; obradoiros de inclusión e integración, de mediación escolar entre iguais; obradoiros de TICs, de emprendemento e orientación profesional; seminarios, conferencias, visitas a patrimonio. Nos períodos intermedios cada centro organizará obradoiros de diseminación das Actividades transnacionais,conferencias, sesións de traballo para o desenvolvemento do noso proxecto e a elaboración de produtos finais.

Desenvolveremos un proxecto eTwinning e traballaremos en liña de xeito colaborativo no Twinspace nos períodos entre mobilidades. 

Propiciaremos a participación de axentes externos a nivel local e rexional para compartir unha rede de cooperación a nivel europeo. En Galicia cooperan co proxecto a Escola Superación de Restauración e Conservacións de Bens Culturais de Galicia, a Sección de Filoloxía Clásica da Universidade de Santiago de Compostela e a Sección Galega da Sociedade española de Estudos Clásicos e mais o Concello de Poio. En Reggio Calabria cooperan o Concello e a asociación Italia Nostra. En Viena colaboran o Concello e a asociación Österreichischer Integration Fonds. En Sofía contamos coa colaboración da Sección de Filoloxía Hispánica da Universidade de Sofía e a Nova Universidade de Sofía, do Concello e da Axencia Turística Elfie Tours.

Consideramos que tanto o coñecemento como o aprecio por un patrimonio cultural compartido e á vez diverso, axudarannos a fomentar o diálogo intercultural e a inclusión social nas nosas comunidades educativas, pertencentes a contornas socioculturais e económicas moi diversas.

Esta é a páxina web do noso proxecto.

Este é o Twinspace do noso proxecto eTwinning.

▬ Show your love

A profesora Arancha Pernas Temes do CEIP Plurilingüe de Abanqueiro, Boiro, ven de poñerse en contacto coa Embaixada eTwinning en Galicia para comunicarnos a concesión do Selo de calidade nacional para o proxecto Show your love.

Deixamos aquí o resumo do proxecto feito pola profesora.
Parabéns a todos os participantes no proxecto!

“Show your love (Amosa o teu amor)  xurdiu da colaboración entre diferentes países de toda Europa (Turquía, Ucrania, Croacia, Italia, Serbia, Romanía, Portugal, Macedonia e o noso centro desde España) a través da plataforma eTwinning, onde mestres de diferentes países traballan de forma colaborativa cos seus alumnos en proxectos co fin de coñecer distintas culturas e cuxa lingua vehicular é o inglés.

O principal obxectivo do proxecto foi traballar a expresión de emocións en distintos ámbitos e mellorar a competencia comunicativa e dixital. O proxecto inicial estaba enfocado para o alumnado de 5º de Educación Primaria, pero unha vez exposto ante o claustro, os mestres encargados de dinamizar a biblioteca decidiron acollelo como tema principal ao longo do curso, o que fixo que trascendera da miña aula de inglés e implicara a moitos máis alumnos e mestres.ç

 O proxecto dividiuse en 3 etapas:
- 1º trimestre: mostrar amor hacia os animais. Por unha banda, creamos un mural coas fotos dos alumnos e as súas mascotas. E, por outra banda, participamos na gravación da canción “Old Macdonald had a farm” entre todos os centros europeos.

- 2º trimestre: mostrar amor hacia os demais e en especial hacia os maiores. Nesta etapa tamén levamos a cabo dúas actividades: a primeira foi proposta polos fundadores do proxecto, que consistiu en formar parellas entre os centros participantes de forma aleatoria e gravar aos alumnos dicindo “Te quiero” na lingua do país seleccionado. No noso caso os alumnos de 5º tiveron que dicilo en turco, que sería “Seni sevyorum”. Nós pedímoslles que ademáis de dicilo en castelán, tamén o gravasen en galego, explicándolles que na nosa autonomía temos unha lingua cooficial. A maiores, dende o noso centro fixemos dúas saídas. O alumnado de 1º a 3º de primaria visitou o Centro de Día de Boiro e o alumnado de 4º a 6º o Cotolengo en Santiago. Nestas visitas intercambiaron distintas actividades e xogos cos maiores ademáis de levarlles un agasallo moi especial. Dado que o centro é plurilingüe na área de plástica, o alumnado elaborou uns paxariños e unhas rosas de fieltro, en función do grao de dificultade, para poñer na solapa da chaqueta que lles entregaron o día da visita.

- 3º trimestre: mostrar amor e respecto hacia a natureza e o medio ambiente, fase levada a cabo en colaboración con Manos Unidas a través da elaboración dun horto ecodidáctico, onde unha enxeñeira agrónoma explicou ao alumnado de todo o centro todas las labores de labranza. Asimesmo, e a través dun contaconto, concienciouse ao alumnado acerca do consumo responsable."