Embaixada eTwinning Galicia: Selo de Calidade Europeo

Mostrar mensagens com a etiqueta Selo de Calidade Europeo. Mostrar todas as mensagens

06 dezembro 2024

Proxectos Galegos con Selo de Calidade Europeo 2024

Proxectos Galegos con Selo Europeo 2024

Noraboa!

Europe is fashion for all

https://school-education.ec.europa.eu/en/etwinning/projects/europe-fashion-all-etwellbeing4all

08 fevereiro 2022

▬ Poetas peninsulares: Mestres da mesma língua

A profesora Dolores Díaz Rifón, do CPI de Xanceda (concello de Mesía, Galiza) fálanos do proxecto Poetas peninsulares: Mestres da mesma língua que desenvolveu en colaboración co Agrupamento de Escolas Monte da Lua (Sintra, Portugal).

Este projeto centrou-se na análise dos textos literários da Idade Média, mais especificamente nas composições da poesia trovadoresca galego-portuguesa que, embora tenham sido criadas ao norte ou ao sul do Minho, partilham um tronco linguístico comum.

As alunas e alunos da Galiza e Portugal exploraram um conjunto de atividades, com o intuito de consolidar conhecimentos sobre as primeiras produções literárias peninsulares e valorizar o seu património cultural e literário.

O proxecto recibiu o Selo de Calidade Europeo.

04 dezembro 2020

Stories Time Capsule

O proxecto “Stories Time Capsule” da EOI A Coruña ven de ser galardoado co Selo de Calidade Europeo. Parabéns ás profesoras Cármen Fernández e Isabel Rama.

Esto é o que Carmen Fernández nos conta do seu proxecto:

O obxectivo principal deste proxecto era familiarizarse coa historia da nosa cidade a través das narracións das persoas.
O proxecto proporcionou aos estudantes unha visión clara de todos os cambios ocorridos nos últimos anos e permitiu aos participantes comparar os cambios urbanos que os rodean cos doutros países.
Os estudantes participaron en actividades de comunicación colaborativa referidas ao proxecto tanto en grupos nacionais como transnacionais. Todas as entradas e o intercambio de datos permitiron aos estudantes reflexionar sobre o legado histórico e a proxección presente e futura da súa cidade.
Os obxectivos principais eran:
· Traballar en equipo
Comunicarse con persoas de diferentes grupos de idade
· Coñecer mellor a súa cidade
· Avaliar a importancia do medio físico para a creación da historia dunha cidade
· Explorar a diversidade de narracións como forma de "literatura oral"
· Reflexionar sobre o valor da historia local oral e a súa preservación
· Descubrir as similitudes e diferenzas entre as historias de varias persoas
· Facer suposicións sobre as características culturais e sociais que se detectan en diferentes historias
· Ampliar as habilidades comunicativas

Duración do proxecto: outubro 2019- maio 2020
Producto final do proxecto: Clic aquí

01 dezembro 2020

United Through Creativity

O proxecto United Through Creativity da docente Esther Basanta do CEIP de Cervo ven de ser recoñecido co Selo de Calidade Europeo.

Aquí temos o seu Twinspace.

Parabéns polo excelente traballo realizado!

A profesora falanos así do proxecto:

"O proxecto 'United Through Creativity' céntrase na creatividade e na escritura creativa. Nel participaron sete escolas de sete países europeos (España, Lituania, Polonia, Rumanía, Grecia, Turquía e Portugal). Deseñáronse actividades de escritura creativa combinadas con métodos que contribúan a crear efectos positivos no clima da aula e que este favoreza a creatividade dos pequenos. Interaccionando cos compañeiros creamos produtos comúns, aprendendo a respectar a diversidade de cada un dos países, cambiando actitudes, aprendendo a valorarnos e entendernos. O tema principal foron as lendas, mitos e historias populares pero a dimensión crosscurricular do proxecto foi moi amplia pois incorporamos o resto das materias.

O proxecto integrou a Lingua estranxeira, as ciencias e tamén contidos de plástica. De acordo co Marco Común Europeo das Linguas e co currículo do inglés como lingua estranxeira, a competencia comunicativa e a dimensión cultural debe ser tida en consideración no sentido de que representa tanto a identidade cultural como colectiva. Neste sentido, e dacordo co currículo nacional e as orientacións do Marco Común Europeo das Linguas, o proxecto tiña un enfoque centrado no alumno. A partir deste enfoque tiñan que identificar e comparar aqueles símbolos de 'identificación nacional' e reflexionar sobre os estereotipos, recoñecer as similitudes e diferenzas entre o seu propio contexto socio-cultural e o contexto dos outros e relacionar esas similitudes e diferenzas coa súa propia cultura e educación. Empregando o lema 'Creating, Communicating, Our Diversity We Are Celebrating' como elemento de unión. Investigaron e traballaron contidos lingüísticos mentras creaban poemas acrósticos, poesía acerca do seu contexto (topos), poemas e cancións centradas en valores humanos, escribiron borradores e finalmente unha historia en común. Finalmente esa historia converteuse nunha peza teatral. Coa A de Arte expresamos infinidade de aspectos das nosas respectivas culturas, valores humanos e ilustracións das nosas historias e debuxos, transmitindo e variando a maneira na que ven o mundo ao redor deles e impulsando a súa creatividade.

A maiores, no noso colexio, este proxecto eTwinning (que era paralelo a un Erasmus) estivo completamente integrado no proxecto anual da nosa biblioteca escolar. Isto significa que o que se estaba a desenvolver en eTwinning e Erasmus tamén estaba a ser traballado por todo o profesorado e adaptado aos diferentes grupos e niveis. A programación xeral anual, os proxectos lingüísticos, a formación do profesorado, e as programacións de nivel fóronse desenvolvendo paralelas con aqueles obxectivos reflexados no noso proxecto 'United Through Creativity'

30 novembro 2020

▬ Pay it forward

Comprácenos compartir esta reseña do proxecto Pay it forward, do CEIP Plurilingüe Pena de Francia, de Mos, que vén de recibir un Selo de Calidade Europeo 2020.

A profesora Ángeles González Lemos, cóntanos como foi a experiencia:

“Pay it Forward” inspírase na película do mesmo nome. O lema era “420 árbores // 420 boas accións”. A idea da cadea de favores implicaba un crecemento exponencial que ía permitir multiplicar os efectos iniciais e alcanzar un maior número de resultados. O mesmo tempo pretendíase que o noso alumnado aprendera a ser amable e colaborador, que aprendera a compartir e respetar e que se decatara que todos xuntos podíamos conseguir o cambio que queríamos ver no mundo. Levamos a cabo unha serie de boas accións cara a comunidade e o planeta. Elaboramos un mural onde se recollían as actividades planificadas trimestralmente.

Neste proxecto participou o alumnado de sexto de primaria e incluíronse as áreas de inglés e plástica contando coa participación das mestras de francés, música e relixión nalgunhas das actividades desenvolvidas.

Desde aquí, felicitámosvos polo bo traballo!

Se tes interese, podes acceder ao seu TwinSpace, e aquí tes a portada do proxecto.

23 novembro 2020

Life Scales Project

O proxecto “Life Scales Project” do IES de Beade en Vigo ven de ser galardoado co Selo de Calidade Europeo.Parabéns ás profesoras Esther Pérez e María Álvarez.

Esto é o que Esther Pérez nos conta do seu proxecto:

Este proxecto é unha extensión do noso anterior proxecto "Powers of Ten". A idea básica é a comparación das escalas presentes na natureza a través de obxectos cotiás, de xeito que o alumnado poida ter unha imaxe máis visual do tamaño dos obxectos moi, moi pequenos ou moi, moi grandes.

Neste ano o levamos a cabo cas alumnas e alumnos de 2º de PMAR. O enfoque interdisciplinar, abarcando as materias de matemáticas, bioloxía, xeografía e física, facíao moi adecuado para este alumnado. Ademáis, nesta edición participaron moitos máis países (España, Francia, Italia, Portugal, Rumanía, Macedonia e Serbia) e realizáronse moitas máis actividades de colaboración directa entre os estudantes das escolas participantes.

Na imaxe móstranse os logos do proxecto, elaborados polos propios alumnos. Un para cada unha das oito escalas da agregación da materia estudadas: átomos, moléculas, virus, células, seres vivos pluricelulares, accidentes xeográficos da Terra, corpos celestes, e, por último, galaxias.

20 novembro 2020

Selos de Calidade Europeos 2020

Vén de ser publicada a lista de Selos de Calidade Europeos eTwinning 2020, que pode ser consultada nesta ligazón.

A continuación destacamos os proxectos e profesorado galegos que obtiveron este recoñecemento: XX selos en total!

Parabéns ao profesorado, ao alumnado e aos centros!!!!

Mª de los Ángeles González Lemos CEIP Plurilingüe Pena de Francia Mos	Pay it forward
Carmen María Fernández Rodríguez EOI A Coruña A Coruña	Stories Time Capsule
Isabel Rama Nion EOI A Coruña A Coruña	Stories Time Capsule
Gonzalo Garcia Fernandez SEK International School Atlántico Poio	LOAD - Life Of A Digi
Susana Fontán SEK International School Atlántico Poio	S.W.A.T. Scienze Will Advance Througout us
Carmen Fernández Vázquez IES de Poio Poio	Equi-eTwinning
Carmen Fernández Vázquez IES de Poio Poio	OPTIM E
Laura Fernández Sasiaín IES de Poio Poio	OPTIME
Marcos Vence Ruibal IES San Clemente Santiago de Compostela	Pek, the Traveller Flea 5
Esther Pérez Fernández IES de Beade Vigo	Life Scales Project
María Álvarez IES de Beade Vigo	Life Scales Project
Ana Isabel López Novo IES Terra do Xallas Santa Comba	SOS - Sustain Our Souls
Mela Rodríguez Montegrifo CEIP Plurilingüe Froebel Pontevedra	ClimACT News
Esther Basanta CEIP de Cervo Cervo	United through creativity

17 dezembro 2019

ROBOT EUROPEAN DANCE

A profe Tamara Carreira, envíanos este artigo sobre o proxecto “Robot European Dance” que integraba a robótica e a cultura propia, e tiña por obxectivo promocionar o baile tradicional mediante a programación de robots bailaríns. Cada centro debía programar unha coreografía típica do seu país e compartila co resto de socios, para que todos coñecesen e bailasen as danzas propias de cada lugar cos seus respectivos robots. Como proxecto final, debíamos deseñar unha danza colaborativa e bailar todos xuntos por videoconferencia.

Participamos cinco centros de tres países diferentes (dous españois, dous polacos e un grego). No noso caso, o alumnado participante cursaba 4º curso de E. Primaria e os robots empregados eran os mBots do Programa da Consellería de Educación "Introdución á Robótica Educativa na Educación Primaria". Pero as idades dos demais participantes, así como os robots empregados, eran moi variados; o que dificultaba a programación e propoñía retos que debiamos resolver en equipo.

O primeiro paso, foi coñecer os mBots e explorar as súas posibilidades. Fixemos unha pequena presentación para os demais centros participantes e tamén coñecemos os robots que eles empregarían: beebots, ozobots, photón, thymio... Ata votamos polo noso robot favorito.

Despois comezamos a preparar a nosa coreografía.

A “Muiñeira dos Nenos” foi a música e danza elexida, adaptándoa ás posibilidades dos mBots. Programamos puntos e picados para os bailadores e bailadoras. E cando o baile estivo rematado, vestimos os mbots con saias e monteiras para a ocasión e gravámolo en video para que reproduciran os nosos compañeiros.

A nós tocounos facer o mesmo cos seus bailes: o chotis, o valse, a gerakina, as sevillanas, a polonesa... Foi moi divertido e enriquecedor visualizar os videos e tratar de
decodificar cada paso. Había que calcular tempos, velocidade, ángulos de xiro...
Cando todos bailamos todas as danzas, comezamos a elaborar unha coreografía conxunta. E de aí saíu a danza final que bailamos mediante videoconferencia coa música “It’s a small world”. Para finalizar, autoavaliámonos e cada centro elixiu o seu baile favorito. Como curiosidade, a muiñeira saíu elexida como a danza máis fermosa de todas as traballadas.

Con este proxecto, os tres países participantes recibimos o Selo de Calidade Nacional e, posteriormente, tamén o Selo de Calidade Europeo. A prensa escrita fíxose eco deste recoñecemento e o programa Luar da Televisión de Galicia convidounos a bailar a nosa “Muiñeira dos Robots” en directo para os seus telespectadores.

GENIALLY

http://bit.ly/roboteuropeandance

XORNAL “LA VOZ DE GALICIA”

https://www.lavozdegalicia.es/noticia/santiago/2019/10/16/muineira-robotica-colegio-sigueiro-logra-premio-innovacion-educativa/0003_201910S16C12991.htm

PROGRAMA LUAR

http://www.crtvg.es/tvg/a-carta/estes-nenos-de-sigueeiro-programaron-uns-robots-que-bailan-a-muineira-4210276

06 dezembro 2019

▬ Celebrating books

O proxecto Celebrating Books foi o primeiro proxecto eTwinning de colaboración entre escolas de idiomas en Galicia, a saber, a Escola de Idiomas de Vigo, a Escola de Idiomas de A Coruña e a Escola de Idiomas de Vilagarcía de Arousa.

En total participaron cinco profesoras en Galicia, dúas profesoras en Turquía e unha profesora en Italia.

Todas as profesoras participantes obtiveron Selo de Calidade nos seus respectivos países e o proxecto foi asimesmo galardoado co Selo de Calidade Europeo.

O proxecto levouse a cabo de modo paralelo en inglés e alemán.

Esta iniciativa pretendía fomentar a lectura e escritura creativa entre o alumnado de linguas estranxeiras. Con este propósito os nosos alumnos compartiron opinións sobre os seus libros favoritos e crearon ós seus propios relatos de forma colaborativa.

Unha vez escritas as diferentes historias, os alumnos tiveron un tempo para ler e escoller a mellor de todas. Aquí tedes unha ligazón ao relato gañador: https://issuu.com/inetwinningeoi/magic_book

▬ The wonderful world of nature

O proxecto “The wonderful world of nature” do IES de Beade en Vigo ven de ser galardoado co Selo de Calidade Europeo. Noraboa ás profesoras Esther Pérez e Celia Fernández.

Esto é o que Esther Pérez nos conta do seu proxecto:

O noso proxecto “The wonderful world of nature” é a plataforma dixital esencial no desenrolo do programa Erasmus + de intercambio escolar que estamos a realizar xunto cos nosos socios europeos de Francia, Italia e Letonia.

O obxectivo principal do proxecto no curso 2018/19 foi a análise de ecosistemas acuáticos da nosa contorna. Cada centro avaliou as compoñentes e o estado de conservación dun ecosistema en particular, e compartiu logo os resultados a través da plataforma do Twinspace. Acompañando a ese estudo realizáronse actividades complementarias, como xogos en Scratch que promoven a conservación do medioambente. Tamén elaborouse de xeito colaborativo, entre todos os países, un xogo de mesa de preguntas e respostas sobre a auga, un dos recursos naturais esenciais, así como un calendario con imaxes dos ecosistemas estudados.

O alumnado realizou tamén visitas a centros de investigación, universidades, centrais hidroeléctricas, depuradoras de auga, ou centros de reciclaxe, para fomentar a súa concienciación sobre a problemática medioambiental, e logo puso en práctica nos centros parte do aprendido, coa realización de pequenos experimentos.

Por último, en cada centro se presentaron propostas para contribuír á mellora da conservación da natureza, como xardíns ecolóxicos, estanques para anfibios, arte con materiais reciclados...

30 novembro 2019

▬ En paradero desconocido

Dun proxecto que contaba cos centros participantes de Francia, Valencia, Pamplona, Alacante, e o IES Pedras Rubias de Salceda de Caselas, xurdiu o proxecto "EN PARADERO DESCONOCIDO : Movimiento Juvenil para la Recuperación de nuestra Memoria Histórica".

A profe María Jesús Martínez Martínez do IES Pedras Rubias foi unha das galardonadas cos delos de Calidade Nacional e Europeo.Con este proxecto querían dar a coñecer que sucedeu no franquismo, e que é a lei sacada 70 anos despois sobre a memoria histórica.

Como pon no seu obxectivo principal que recollo literal "Con este proyecto, pretendemos sensibilizar e implicar a nuestros alumnos de instituto poniéndolos a contribución del proyecto general de recuperación de nuestra memoria y de nuestra identidad."

Os obxectivos que perseguía era valorar a herdanza cultural e o pensamento libre, construír cultura, reflexionar e argumentar sobre diversas liberdades, proporcionar instrumentos de análise principais do historiador, potenciar a lectura e os climas de colaboración e cooperación.

Querían realizar un proxecto final cun libro literario, un mapa de desaparecidos, pero ante todo, crear un grupo de mocidade por unha causa nobre.

No medio do proxecto tamén aparece un ERASMUS KA-229 do proxecto TOTEM "Estrechando lazos con Europa", e actividades teatrais e sobre a muller, e outras con escritores da temática. Tamén viron filmes como as trece rosas.

Os nosos parabéns polos merecidos premios e desexamos que eTwinning fose importante para toda a vosa evolución, e animarvos a facer mais.

▬ Our forests, our life

Preséntanos o proxecto Aarón Bernárdez, do CPI Mondariz:

Coa finalidade de continuarmos coa boa experiencia coa miña socia turca dos dous proxectos anteriores, propúselle realizar un que tivera de temática os nosos bosques, xa que era o tema do centro durante este curso 18-19. Ela propuso STEAM e decidimos unilos engadindo robótica infantil.
Twinspace: https://twinspace.etwinning.net/79649/home

Entre os obxectivos estaban traballar o relacionado con STEAM, con robótica, seguridade en Internet, mellorar as relacións co alumnado dotros países, aprender sobre os nosos bosques e animais, etc

As actividades que traballamos:

Normas de seguridade e información de nosos centros e nosoutros.
A continuación pegadas de animaiss do noso bosque e miramos con lupas elementos da natureza.
Traballar un animal en perigo de extinción e facer arte coa naturaleza en otro mes.

Xogar coa robótica, e realizar un quebracabezas común.

Usamos as seguintes ferramentas TIC:

Los recursos utilizados fueron diversos:
animoto
padlet (ata a saciedade)
adobe connect
pic collage
survey monkey, etc

REcibimos os seguintes selos, de Calidade Nacional e Europeo:

02 dezembro 2018

Entrega do Selo de Calidade Europeo en Mesón do Vento.

O día 29 de novembro, a Embaixada eTwinning en Galicia foi convidada por Alejandro Varela, coordinador do proxecto eTwinning "What are some tradional dishes of your country?" no CEIP Mesón do Vento, para facer entrega dos diplomas do Selo de Calidade Europeo aos participantes. O proxecto é un modelo de colaboración arredor da cociña tradicional que serviu na mellora das competencias dixital, comunicativa e de aprender a aprender do alumnado.

Os profesores implicados decidiron organizar un acto de entrega de premios, que contou coa asistencia de todo o claustro, as familias, o alumnado de 1º de ESO (participante no pasado curso) e todo os nenos e nenas do centro. No acto contaron, tamén, coa asistencia de representantes da Inspección Educativa e do Concello de Ordes, no que se adscribe.

A sesión festiva, foi un homenaxe a todos os participantes: alumnado, profesorado, persoal non docente e familias, arredor dunha idea de traballo que abre as portas do centro e o sitúa no mapa europeo da innovación educativa.

Despois de dar os primeiros pasos na súa internacionalización, a escola ten a experiencia precisa para iniciarse no mundo de Erasmus+, obxectivo dos protagonistas. Alén diso, están ultimando os detalles da próxima candidatura a Centro eTwinning.

Foi un pracer compartir convosco a ilusión do día e, especialmente, poder transmitir o ánimo e a valoración que supón ser un dos 26 centros premiados con estes Selos na edición 2018.

Moitos parabéns e... seguimos en contacto neste, que só é o inicio dun longo percorrido!

29 novembro 2018

▬ Biblioteca para todos e Da miña casa para o mundo

O IES Poeta Díaz Castro, un ano máis, vén de recibir dous Selos de Calidade Europeos. Os proxectos premiados foron:

BIBLIOTECA PARA TODOS:

Un proxecto destinado ao alumnado con necesidades específicas de apoio educativo, desenvolvido cos compañeiros de Terceira, Illas Azores, e de La Sénia, Tarragona. O traballo pretendeu mellorar a lectura comprensiva e a lectura pracenteira, achegándonos á Biblioteca como portadora de soños e aos libros como espazos de creatividade, esparexemento e lecer.

O traballo cooperativo e a interacción entre os alumnos foi o combustible que nos levou ata o bo porto: O lugar desexado no que crear, xuntos, un libro sensorial que viaxou de un a outro centro para ser materializado.

Alumnos e profesores implicados, encontramos moitos momentos para mellorar as nosas competencias, para establecer lazos persoais e profesionais, para... unha vez máis, buscar respostas innovadoras ás nosas preguntas escolares.

O uso das TIC e a busca da competencia comunicativa foron dúas das accións de maior importancia, así como dotar ao alumnado dun espazo de lecer alternativo e de calidade, na lectura e no uso das tecnoloxías para fins de socialización e busca de estratexias de resolución de problemas.

EBI Francisco Ornêlas de Câmara. Rosa Medeiros, Cláudio Ferreira, Helena Louro, Francisco Rocha.

IES La Sénia. Tarragona. Rosalía Serralta.

IES Poeta Díaz Castro. Susana Vázquez Regueiro

DA MIÑA CASA PARA O MUNDO:

Este proxecto foi a nosa proposta para que o alumnado de 1º de ESO coñecese a lingua portuguesa nunha primeira aproximación. Durante uns meses, os nenos e nenas desta materia, encontraron un espazo común cos compañeiros portugueses de Canelas, cos que descubriron outros mundos partindo dos propios. Moito hai que nos une, e algunhas características nos fan únicos e magníficos, portadores valiosos da nosa cultura. Nesa contorna, o alumnado fixo unha primeira achega á lingua veciña, contextualizada e divertida, que utilizou a casa como tópico de estudo.

O proxecto axudounos a encontrar a dinamización das linguas e da competencia comunicativa en contextos próximos e reais, procurando a socialización e a competencia dixital no desenvolvemento das aprendizaxes.

Agrupamento de Escolas de Canelas. Augusto Oliveira.

IES Poeta Díaz Castro. Susana Vázquez Regueiro.

19 novembro 2018

▬ Había una vez...

HABÍA UNA VEZ…
SEK International School Atlántico, Poio España
ICS "Erodoto" di Corigliano Calabro, Corigliano Calabro (Cs) Italia
ICS "C. Govoni" di Ferrara, Ferrara (Fe) Italia
https://twinspace.etwinning.net/24106/home

Neste proxecto os alumnos de Quinto de Educación Primaria colaboraron cun colexio italiano, tomando como punto de partida o estudo dos edificios históricos do seu entorno, comparándoos con edificios da mesma época que estudaban os seus socios, xa que o primer obxectivo do proxecto era coñecer a nosa historia e a súa relación con outras culturas europeas.

A través de actividades interactivas, e integrando as novas tecnoloxías no seu proceso diario de aprendizaxe, os alumnos realizaron diversas actividades, traballando os obxectivos específicos do seu curso referentes á expresión oral e escrita, á vez que aprenderon que a lingua é sobre todo unha forma de expresarse, e que hoxe en día podemos comunicarnos de forma activa e traballar con compañeiros doutros países.

Tamén se traballaron obxectivos doutras materias como o coidado da natureza e do patrimonio artístico… tendo unha grande importancia aspectos como a interculturalidade ou o espírito europeo e as súas influencias na sociedade actual. Ao longo do proxecto enlazamos con temas de actualidades como o papel das mulleres na ciencia actual, as mulleres na historia (elaboraron unha colección de libros ilustrados cunha protagonista que percorría a Pontevedra medieval: a feira franca, a construción de Santa María, o Castelo de Soutomaior... e nos contaba o papel das mulleres neses lugares) ou o drama dos migrantes nas costas de España e Italia.

Os alumnos visitaron e estudaron o Convento de San Francisco, a Basílica de Santa María a Maior (ambos en Pontevedra cidade), o Mosteiro de Poio, a Catedral de Santiago (de forma especial o Pórtico da Gloria), ao mesmo tempo que os alumnos italianos estudaban edificios relacionados de algunha forma con eles. Para rematar entre todos estudamos un edificio actual: a sede do Parlamento Europeo. Ao rematar cada trimestre elaboraban un conto interactivo (utilizando as diversas formas de expresión escrita que marca a lei para sexto: diario, conto, poesía, teatro.... e elaboraban tamén xogos interactivos con diversas plataformas que se utilizaban para “competicións” mixtas con grupos formados por alumnos españois e italianos que que nos servían de ferramenta de avaliación (tanto pola forma de elaborar os xogos e de facer as preguntas como polas respostas mesmas). Nalgún caso invitamos ás familias a xogar tamén.

Como ferramentas interactivas traballamos programas para presentar traballos: power point, prezzi, diarios interactivos, liñas do tempo interactivas, tiñamos a nosa propia conta de twitter para expoñer traballos, o blogue de clase e incluso utilizamos o Minecraft na súa versión educativa para construír o Parlamento Europeo.

Tamén contamos coa comunidade non educativa, con charlas do CSIC, dun peregrino, dun estudoso do Camiño de Santiago...

Foi un proxecto moi interesante, no que os alumnos se implicaron e aprenderon moito... ao mesmo tempo que se divertiron e coñeceron o seu entorno dunha forma real e práctica.

▬ When there is a will there is a way

Imaxe da web do centro Educativo

O colexio plurilingüe Sta Teresa de Jesús-Carmelitas Ourense, recibiu o selo de calidade europeo polo proxecto eTwinning que os alumnos de 3º ESO levaron a cabo o curso pasado: Where there's a will, there's a way.

Grazas á participación neste proxecto os nosos alumnos mantiveron unha comunicación activa con dez colexios doutros países europeos e elaboraron materiais empregando de maneira adecuada as TIC.

O obxectivo do proxecto era animar aos estudantes a pensar como poden contribuír a reducir o consumo de enerxía e desfacerse dos hábitos insustentables existentes. Ademais, é importante que os estudantes se pregunten de onde provén a enerxía que consumen no fogar e na escola e como se produce, así como investigar outras posibilidades e aprender dos outros participantes europeos do proxecto.

▬ Proxecto Nautilus

CPR Plurilingüe Losada Vigo

Lycée Nicolas Appert, Orvault-Nantes

O Proxecto Nautilus xira en torno á figura do escritor francés Jules Verne e a conmemoración en febreiro de 2018, do 150 aniversario da chegada do Nautilus á Ría de Vigo en busca dos tesouros afundidos na Batalla de Rande.

Os centros participantes son o CPR Plurilingüe Losada de Vigo e o Lycée Nicolas Appert, de Orvault-Nantes, Francia. Participaron 63 alumnos de entre 15-16 anos e un equipo de 16 profesores de ambos centros.

Durante doce meses desenvolvéronse, en español, francés e inglés, diversas actividades implicando as áreas de xeografía e historia, linguas estranxeiras, literatura, bioloxía, enxeñería industrial, tecnoloxía, informática, arte, física e química e educación física.

Producíronse grande variedade de resultados tales como a creación dun multi-xeocaching sobre a Ruta Verniana no casco urbano de Vigo e un earthcache na Illa de San Simón, baseadas na visitas do escritor á cidade, a creación de unha aplicación para móbiles e tablets Android “Siguiendo las huellas de Jules Verne en Nantes” en 3 idiomas, a elaboración do Atlas da obra “Robur o conquistador”, que publicará a Sociedad Hispánica de Jules Verne, un Trivial dixital Jules Verne, audiovisuais, programas radiofónicos, ebooks, xogos con aplicacións dixitais, etc.

Este proxecto pretende contribuír desde a faceta escolar á difusión do patrimonio cultural común que nos une gracias ao autor: o mundo literario, histórico e científico- tecnolóxico e recoller ademais, o espírito de unha época de innovación e de avances científicos que anticiparon o futuro.

Páxina web: www.proyectoverne.com

Espazo eTwinning: https://twinspace.etwinning.net/34785

Vídeo do proxecto: https://youtu.be/Tyqi9nu-PrM

Menú

06 dezembro 2024

Proxectos Galegos con Selo Europeo 2024

Hadrian’s legacy

Be Earth Friendly

eSAFETY COMIC BOOK

Math, music and emotions

Al-lympics: Bridging Sportsmanship and Digital Innovation

¡Un colegio saludable!/ Uma Escola Saudável!A healthy school!/

Malos de cuento (Villains)

Los valores del Olimpismo

Being happy in a VUCA (volatile uncertain, complex, and ambiguous) World

WAVES FROM THE ATLANTIC

MeteoroloKids

CLAPPING: CLAPPING GAMES

Bibliotecas Humanas: relatos y retratos de paz

TREE OF STORIES

Do You Know How Robots Feel?