Proxectos eTwinning Galiza-Portugal

Tras catro anos de traballo, lanzamos a versión en galego do libro "Proxetos eTwinning Galiza-Portugal", con 18 ideas para proxectos a desenvolver entre centros educativos galegos e portugueses, elaboradas por 24 docentes de ambas as beiras do Miño.

A publicación foi financiada polo EDLG do IES San Clemente de Santiago de Compostela.

Descarga do libro e máis información

Xornadas Erasmus +

O 26 de Novembro tiveron lugar en Santiago as Xornadas Erasmus+.

 Durante a mañá interviñeron:

•  Beatriz Tourón do SEPIE coa ponencia "Erasmus+: convocatoria 2017. A internacionalización dos centros educativos" 
• Gonzalo Constenla da EOI de Santiago de Compostela coa ponencia "Programas europeos nun centro educativo: beneficios e oportunidades. Por que é interesante partcipar en programas europeos"

 Pola tarde os obradoiros simultáneos foron os seguintes:

•  Os Programas Europeos na Formación Profesional, ciclos formaivos de grao superior - Francisco Antonio Orge Lorenzo (CIFP Carlos Oroza - Pontevedra).
•  Os Programas Europeos na Educación Escolar - Beatriz Alonso Pérez-Ávila e María Olga Varela Vázquez (IES Alfonso X o Sabio - Cambre). 
• Os Programas Europeos na Educación de Adultos - Nancy Casielles Iglesias (EOI de Ourense).
•  Os Programas Europeos na Formación Profesional, ciclos formativos de grao medio - Asunción González Cabaleiro (CIFP Valentín Paz Andrade - Vigo). 
•  Etwinning e Erasmus + - Mª Carmen Fernández Vázquez, embaixadora eTwinning (IES de Poio - Pontevedra) e Ángel Sebastian Junquera (CAFI) 

As Xornadas remataron cunha mesa redonda moderada por Beatriz Tourón Torrado (SEPIE) na que interviron as persoas relatoras dos obradoiros

 

V Encuentro de Embajadores eTwinning

O 10 e 11 de Novembro tivo lugar no INTEF en Madrid o V Encuentro de Embajadores eTwinning que contou coa participación de dous embaixadores galegos.




Este é o enlace ao programa 

A Benvida estivo a cargo  de Carlos Medina, Xefe do Servizo de Programas Europeos do INTEF.

A continuación, Mirian Olga Cecilia Martínez e Lourdes Gozalo, do SNA,  presentaron a Rede de embaixadores eTwinning

• Organización, impacto e crecemento da rede de embaixadores europeos.
• Actividades de formación e difusión desenvolvidas polos embaixadores nacionais.
• Xornadas rexionais e colaboración cos representantes eTwinning nas CCAA.
• Blogs e portais eTwinning nas CCAA.
• Proxecto La casa de los embajadores.

Miguel Ángel Hernáiz, do Servizo de Formación en Rede do INTEF explicou a oferta formativa de Educa Lab:

• Cursos en liña
• MOOCs do INTEF
• NOOCs do INTEF
• Marco común de competencia dixital docente
• Insignia dixital
• SPOOCs

A presentación sobre Boas prácticas de formación de embaixadores estivo a cargo de Ana Isabel García e Pablo López (Principado de Asturias), Francisco José Balsera (Aragón) e Inmaculada Cerlero e Gustavo Mora ( Castilla-La Mancha).


O panel de embaixadores explicou diferentes iniciativas que están a ter lugar nas súas CCAA.

Beatriz Tourón, do SEPIE, falou sobre eTwinning en Erasmus+, presentando as sinerxias entre ámbolos dous programas.

• eTwinning é unha ferramenta moi valiosa tanto nos KA1 (cursos estructurados, job shadowing ou docencia en mobilidades para profesorado) como en KA201 (proxectos de desenvolvemento e innovación)  ou proxectos KA201 (de intercambio de boas prácticas entre centros escolares)

• eTwinning xoga un papel fundamental desde o momento inicial de procura de socios, durante o desenvolvemento e implementación do proxecto e na súa  difusión, diseminación e sostenibilidade.

Olga Paniagua, do SNA presentou un Taller de competencia dixital.

Seguindo o Marco Común de Competencia Dixital Docente, artellou a súa ponencia nos apartados de 

• Información
• Comunicación
• Creación de contidos
• Seguridade 
• Resolución de problemas

Marta Pena falou sobre Cómo motivar aos docentes.

Durante uns minutos seguimos a charla de Rita Pierson en TED 

As ventaxas do traballo por proxectos  con eTwinning son evidentes

• Facilita un proceso de aprendizaxe continua
• Xenera interacción
• Presenta unha variedade de actividades
• Atende á diversidade
• Fai ao alumnado activo e independente 
• Recoñece e valora o traballo dos docentes
• Insértase no curriculum
• Pódese traballar nunha lingua extranxeira ou na propia
• A tecnoloxóa pode ir do máis básico ao máis complexo

Diego Rojas, do SNA falou sobre A calidade nos proxectos eTwinning

• Resaltou que o principal é a eficiencia e eficacia do proxecto, medidas segundo criterios específicos de eTwinning.
• Comentou as Rúbricas de calidade de proxectos
• Fixo fincapé no importante que é ter en conta os criterios de calidade xa dende o deseño do proxecto e antes da súa posta en marcha.

O Selo de Calidade ten, entre outras, as ventaxas de:

• motivar a alumnado e profesorado
• dar visibilidade ao proxecto
• poder optar a Premio Nacional ou Europeo, segundo o Selo
• dar a posibilidade de mellora coa avaliación do proxecto por parte do SNA

Nunha derradeira sesión do Encontro, os embaixadores presentes, divididos en grupos, procederon a avaliar e redactar uns informes de avaliación sobre dous proxectos, facendo deste xeito unha práctica sobre Calidade de proxectos asesorados polos membros do SNA.

"Por buen camino"

A profesora Ana Santos do I.E.S Valle Inclán de Pontevedra, participou no VI Encontro eTwinning de profesores en castelán xunto  a 38 profesores das distintas comunidades autónomas e outros 38 docentes doutros países como Italia, Francia, Alemania, República Checa, Noruega ou Austria.

A obtención dos Selos de calidade polos proyectos Acrosport no curso 2014-2015 e  Euroacro no curso pasado déronlle a oportunidade de buscar socios para novos proxectos e a ocasión de participar en diversos talleres sobre etwinning live e intercambiar experiencias con profesorado in situ.

.

▬ eFoodTour

No curso 2015-2016, dúas profesoras do CIFP Manuel Antonio de Vigo (Marina Vicente e Patricia Conde) e cinco profesores máis en Polonia, Italia e Suecia levaron a cabo xunto cos seus alumnos un proxecto eTwinning sobre gastronomía e turismo gastronómico, que ven de ser galardoado con Selos de Calidade en España, Suecia e Italia e Selo de Calidade Europeo.

Cartel - Festas gastronómicas

"Neste proxecto, que titulamos eFoodTour through Europe, traballamos un total de 7 profesores de 5 centros distintos e 4 países europeos empregando o inglés o francés e o español como linguas de comunicación. O proxecto permitiu a alumnos polacos, italianos, suecos e españois compartir hábitos culinarios e festividades gastronómicas de atractivo turístico nos distintos países.

Todo o traballo e os materiais creados no proxecto atópanse publicados nun blogue que vos animamos a visitar: http://efoodtour.blogspot.com

eTwinning convertiu as clases de linguas para os nosos alumnos do CIFP en clases moi activas. Os alumnos do CIFP de Aloxamentos Turísticos e de Servizos en Restauración levaron a cabo unha magnífica labor de investigación e crearon documentos visuais sobre receitas típicas e festas gastronómicas ben coñecidas que logo publicaron no blogue.

O proxecto axudou a crear vínculos de traballo e amizade tanto dentro da aula como entre países, de feito, algúns dos alumnos continúan en contacto con alumnos suecos e italianos

O éxito do proxecto animounos a continuar un ano máis nunha nova aventura eTwinning. Neste curso 2016-2017 traballaremos cos xornais e as noticias. Este é o noso blogue: http://e-storynews.blogspot.com"

PDW en Rodas

  

       Entre os días 29 de setembro e 1 de Outubro, asistín en Rodas (Grecia) ao PDW for Ambassadors de 2016.

    Máis dun oitenta e cinco por cento dos asistentes eran novos embaixadores de menos de cinco anos.

    A acollida por parte do NSS Griego con Irene Pateraki á cabeza foi moi boa. Obsequiáronos cuhna visita turística por Rodas en autobús e unha cea amenizada con música de Grecia e Chipre o sábado.

    A expedición española que saliu o día 28 cara o país do Olimpo, estaba composta por Miriam Olga Cecilia del SNA, e miembros da embaixada: Marta Pena (Cuenca), Emilia Badenes (Formentera), Elena Zorrilla (Burgos), Estíbaliz de Miguel (Madrid) e Aarón Bernárdez (Ourense).

 

 Aparte das sesións plenarias de introdución e clausura,  ofrecéronse numerosos talleres de diversa temática para que elixíramos aqueles que máis se axustaban aos nosos intereses e necesidades como embaixadores, catro en total de entre seis en cada tanda. Foron bastante dinámicos e prácticos e, xa que se apoiaban en diapositivas e exercicios de grupo, podían seguirse ben aínda que o nivel de inglés meu non fora moi bo.
 

 Aos "workshop" que asistín fueron:

1. How to motivate teachers con Rita Zurrapa do NSS Portugués.

Estivo bastante ben e apoiouse en moitos videos como o de Ken Robinson e Rita Pierson. Fïxonos reflexionar acerca do importante papel que o profesorado temos como axentes do cambio que debe producirse nos alumnos e nos recordou qué é o que nos fai sentir ben e nos motiva cada día a seguir ensinando para mostrar que eTwinning pode axudarnos a manter e aumentar ese nivel de motivación en todo o profesorado.

http://www.slideshare.net/zurrapinha/how-to-motivate-etwinning-teachers

2. Good practice examples in etwinning online teachers' training con varias personas que primeiro enmarcaron teóricamente metodoloxías, avaliacións… para posteriormente falarnos sobre aplicacións: Class Dojo, Plickers e Pinterest.

http://www.slideshare.net/HelleniceTwinning/good-practice-examples-in-e-twinning-online-teachers-training

3. Design thinking for improving eTwinning con Kornelia Lohynova, Bratislava. Preparar, encontrar o foco do problema, traballar e innovar unha solución.

http://www.slideshare.net/lohynova/design-thinking-preso-for-participants

4. Quality Label criteria con Irene Pateraki del NSS Griego. Práctica de un ou dou proxectos nos cales se puntuaría para ver se conseguían o selo de calidade ou non.

   http://www.slideshare.net/renia_95/evaluating-an-etwinning-project-the-ql-criteria-irene-pateraki-gr-nss

Autor: Aarón Bernárdez

Projetos eTwinning Galiza-Portugal

Tras case catro anos de traballo, lanzamos a versión en portugués lo libro "Projetos eTwinning Galiza-Portugal", con 18 ideas para proxectos a desenvolver entre centros educativos galegos e portugueses, elaboradas por 24 docentes de ambas beiras do Miño.

Queremos agradecer á Direção-Geral do Ministério da Educação de Portugal, que editou o libro e participou na súa revisión e corrección, en especial a Laura Filipe, e por suposto ao IES San Clemente de Santiago de Compostela que financia as actividades da Embaixada galega.

Descarga do libro e máis información